Bank Ac

ക്ഷേമനിധി ആനുകൂല്യങ്ങള്‍ ബാങ്ക് അക്കൌണ്ട് വഴി നല്‍കും - തൊഴില്‍ മന്ത്രി

സംസ്ഥാനത്തെ തൊഴിലാളികളുടെ ക്ഷേമനിധി ആനുകൂല്യങ്ങള്‍ ബാങ്ക് അക്കൌണ്ട് വഴി നല്‍കാന്‍ സര്‍ക്കാര്‍ നടപടികള്‍ സ്വീകരിക്കുമെന്ന് തൊഴില്‍ മന്ത്രി ഷിബു ബേബിജോണ്‍ തൊഴിലാളിക്ഷേമനിധി ബോര്‍ഡിന്റെ ആഭിമുഖ്യത്തില്‍ ഗാര്‍ഹിക തൊഴിലാളികള്‍ക്കുള്ള ആനുകൂല്യ വിതരണോദ്ഘാടനം തിരുവനന്തപുരത്ത് നിര്‍വഹിക്കുകയായിരുന്നു അദ്ദേഹം. തൊഴിലാളി ക്ഷേമനിധി ബോര്‍ഡില്‍ അംഗങ്ങള്‍ കുറവാണ്. അവരുടെ വിഹിതം ഭരണ ചിലവായി പോകുമ്പോള്‍ ആനുകൂല്യം ലഭിക്കാത്ത അവസ്ഥവരുന്നു. ഭരണ ചിലവ് കുറയ്ക്കാന്‍ സംസ്ഥാനത്തെ മുഴുവന്‍ ജില്ലകളിലെയും ക്ഷേമനിധി ഓഫീസുകളെ ഒരു കുടക്കീഴില്‍ കൊണ്ടുവരാനുള്ള നടപടികള്‍ ആരംഭിച്ചതായും മന്ത്രി വ്യക്തമാക്കി. തൊഴിലാളി ക്ഷേമനിധിയുടെ ആനുകൂല്യങ്ങള്‍ അര്‍ഹതപ്പെട്ടവര്‍ക്കെല്ലാം ലഭിക്കാന്‍ വേണ്ട നടപടികള്‍ സ്വീകരിക്കുമെന്നും മന്ത്രി പറഞ്ഞു. കൌണ്‍സിലര്‍ ആര്‍. ഹരികുമാര്‍, ജില്ലാ പഞ്ചായത്ത് വൈസ് പ്രസിഡന്റ് റൂഫസ് ഡാനിയേല്‍, വിവിധ തൊഴിലാളി സംഘടനാപ്രതിനിധികള്‍ തുടങ്ങിയവര്‍ ചടങ്ങില്‍ പങ്കെടുത്തു.

Comrade Kannan & Comrade Sankara Pillai

തൊഴിലാളികളുടെ സുരക്ഷ ഉറപ്പുവരുത്തും: മന്ത്രി ഷിബു ബേബിജോണ്‍

തൊഴില്‍മേഖലയിലെ സുരക്ഷാപ്രശ്നങ്ങള്‍ സര്‍ക്കാര്‍ ലാഘവത്തോടെ കാണുന്നില്ലെന്നും തൊഴിലാളികളുടെ സുരക്ഷ ഉറപ്പുവരുത്താന്‍ കൂടുതല്‍ നടപടികള്‍ സ്വികരിക്കുമെന്നും തൊഴില്‍ വകുപ്പ് മന്ത്രി ഷിബു ബേബിജോണ്‍ പറഞ്ഞു. ഫാക്ടറീസ് ആന്റ് ബോയിലേഴ്സ് വകുപ്പ് നല്‍കുന്ന സേഫ്റ്റി അവാര്‍ഡുകള്‍ വിതരണംചെയ്ത് സംസാരിക്കുകയായിരുന്നു അദ്ദേഹം. തൊഴിലാളികളുടെ സുരക്ഷിതത്വം, ആരോഗ്യം, ക്ഷേമം എന്നിവ സംരക്ഷിച്ചുകൊണ്ട് പ്രവര്‍ത്തനമികവ് പ്രകടമാക്കിയ വ്യവസായശാലകള്‍ക്കും തെരഞ്ഞെടുക്കപ്പെട്ട വ്യക്തികള്‍ക്കുമാണ് സേഫ്റ്റി അവാര്‍ഡുകള്‍ സമ്മാനിച്ചത്. നിര്‍മ്മാണമേഖലയില്‍ സുരക്ഷാക്രമീകരണത്തെക്കുറിച്ചുളള ധാരണ വളരെ കുറവായിരുന്നെന്നും സര്‍ക്കാരിന്റെ ഇടപെടല്‍ മൂലം ഈ സ്ഥിതി മെച്ചപ്പെട്ടിട്ടുണ്ടെന്നും മന്ത്രി പറഞ്ഞു. പാളയം ബിഷപ്പ് പെരേര ഹാളില്‍ നടന്ന ചടങ്ങില്‍ കെ. മുരളീധരന്‍ എം.എല്‍.എ അദ്ധ്യക്ഷനായിരുന്നു. ഫാക്ടറീസ് ആന്റ് ബോയ്ലേഴ്സ് ജോയിന്റ് ഡയറക്ടര്‍ (മെഡിക്കല്‍) ഡോ. പി. ശിവശങ്കരപിളള സുരക്ഷിതത്വ പ്രതിഞ്ജ ചൊല്ലിക്കൊടുത്തു. കൊച്ചിന്‍ യൂണിവേഴ്സിറ്റി ഓഫ് സയന്‍സ് ആന്റ് ടെക്നോളജിയിലെ പ്രൊഫ. ഡോ. കെ.പി.എസ്. നായര്‍, ഫാക്ടറീസ് ആന്റ് ബോയ്ലേഴ്സ് വകുപ്പ് ഡയറക്ടര്‍ കെ. ശശി, സീനിയര്‍ ജോയിന്റ് ഡയറക്ടര്‍ ബി. ഉമ്മര്‍ തുടങ്ങിയവര്‍ സന്നിഹിതരായിരുന്നു.

National Strike 2013